သူတို့ရဲ့ဘဝ........
ခိုက်ရန်ဖြစ်ပွား စကားငြင်းခုန်
ကျောခိုင်းမခေါ် နေသော်ခန
တေးမှတ်မထား အာဃတများလည်း
တိမ်နှယ်လွင့်ပြယ် အဆုံးတိုင်စေခဲ့
လက်တွဲပြန်စ ရိုးသားစွတည်း ။
သူတို့ရဲ့ဘဝ........
တောင့်တလိုရာ ကြောင့်ကြပူဆာလည်း
မကြာပါလေ ပိုင်ရာတွေနဲ့
မြူးတူးပျော်ရွှင် ပျော်ဝင်သောက
သဲထဲရေပမာ စိတ်မှာမကြာဘူး
ကင်းစင်သောက ရိုးအေးလှတည်း ။
သူတို့ရဲ့ဘဝ........
ဆန္ဒရှိလည်း လောဘမစွဲ
ဒေါသရှိလည်း အမျက်မတွဲဘူး
ကြုံလာလောကဓံ ရင်ဆိုင်ဟန်က
ရိုးရှင်းလွယ်ကူ စိတ်ရင်းဖြူအသဲ
လူတိုင်းအားကြ ကလေးဘဝ ။ ။
ဆယ်မြူရယ်စိုးလွင်
No comments:
Post a Comment
စာဖတ်သူအမြင်နှင့် အကြံပြုချက်များကို မြော်လင့်ကြိုဆိုပါသည်...