ဗိလဟာသည် မည်သူနည်း

၁။ သမိုင်းနောက်ခံလေ့လာခြင်း။

            ဗိလဟာသည် ရာခေလ၏ ကျွန်မဖြစ်သည်။ ရာခေလသည် ယာကုပ်နှင့်ထိမ်းမြားသောအခါ ဗိလဟာ အား လက် ဆောင်အဖြစ်ဖခင်ဖြစ်သူ လာဗန်မှပေးခဲ့ခြင်းဖြစ်သည် (က၊ ၂၉:၂၈-၂၉)။ ထိုသို့ဖြင့် ဗိလဟာသည်

ယာကုပ်ကိုသားနှစ်ဦးမွေး ပေးသူမိခင်ဖြစ်လာခဲ့သည်။

 

၂။ သခင်မအလိုကိုဖြည့်ဆည်းပေးသူ။

            သခင်မဖြစ်သော ရာခေလ၏ ကနဦးအိမ်ထောင်ရေးတွင် သားသမီးမရခဲ့။ ထို့ကြောင့်လည်း သခင်မဖြစ်သူက ခင်ယာကုပ်နှင့်အတူအိပ်စက်စေရန်စေခိုင်းသောအခါ နာခံခဲ့သူဖြစ်သည်။ “ရာခေလကလည်း၊ အကျွန်ုပ်၌ ကျွန်မဗိလဟာ ရှိပါ ၏။ သူ့ထံသို့ ဝင်ပါ။ သူသည် အကျွန်ုပ်ဒူးပေါ်မှာ သားဘွား၍၊ သူ့အားဖြင့် အကျွန်ုပ်သည် တည်ဆောက် ခြင်းရှိပါလိမ့်မည်” (က၊ ၃၀:၃)။

 

၃။ ကျွန်မတစ်ဦး၏ တာဝန်များ။

            ဟိုယခင်ခေတ်၌ ကျွန်မတစ်ဦး၏ တာဝန်မှာ သခင့်အမည်နာမတည်တံ့ရေးမှာ သူတို့၏အဓိကတာဝန်တစ်ရပ်လည်း ဖြစ်ပါသည်။ ထိုခေတ်က “မြုံခြင်း” ဟူသော သားမဖွားခြင်းမှာ ပါတ်ဝန်းကျင်၌ အရှက်ရစရာ (သို့) အမင်္ဂလာအဖြစ်ခံယူ၍ ကျင့်သုံးကြပါသည်။ 

 

            ထို့ကြောင့်လည်း ဇနီးမယားတိုင်းက သူတို့သားသမီးမရနိုင် (သို့) မြုံနေခဲ့သော် သားသမီးများ ဝတ္တရားအတိုင်း ဖခင် အမည်နာမတည်တံ့စေဖို့အလို့ငှါ ကျွန်မများကိုအတူလက်ဖွဲ့လေ့ရှိကြသည်။ ထိုသို့မြုံနေခဲ့သော် ဇနီးသည်တစ်ဦးအနေဖြင့် ခင်ပွန်းသည်ထံသို့ ကျွန်မကိုအပ်နှင်း၍ မျိုးဆက်ကိုဆက်ခံစေရန်ပြုမူဆောင်ရွက်ကြပါသည်။

            ဗိလဟာကဲ့သို့သော ကိုယ်လုပ်တော်သည် မိသားစုဝင်တစ်ဦးကဲ့သို့ ပြုမူဆက်ဆံကြပြီး၊ သူတို့အားဖြင့် မျိုးရိုးအမည် မပျောက်ပရေးကိုသာလျင် အဓိကထားလျက် ကျွန် (သို့) သခင်အကြားဆက်နွယ်လျက်ရှိကြသည်။

 

၄။ သခင့်အမည်ကို ထိန်းပေးသူ။

            ဗိလဟာသည် ယာကုပ်အားဖြင့် ဒန်နှင့် နဿလိကိုဖွားမြင်ခဲ့သည် (က၊ ၃၅:၂၅)။

            ဒန်သည် ယာကုပ်၏ ငါးဦးမြောက်သားဖြစ်ပြီး၊ နဿလိမှာ ခြောက်ဦးမြောက်သားဖြစ်သည်။ ရာခေလသည်မိမိ ကျွန်မ ဗိလဟာမှ ဖွားမြင်သောသားနှစ်ဦးကို သူ့သွေားသားရင်းကဲ့သို့ ခံယူသတ်မှတ်ခဲ့သည်။

            သူတို့အပေါ်တွင် မိခင်တစ်ဦးကဲ့သို့ အခွင့်အာဏာနှင့်  လုပ်ပိုင်ခွင့်ရှိသောကြောင့်လည်း သားတို့အား ကိုယ်တိုင်ပင် လျင်အမည်မှည့်ပေးခဲ့သည်(က၊ ၃၀:၄-၈)။

၅။ သခင်မဲ့သွားသော ဗိလဟာ။

            ထိုသို့ဖြင့် ရာခေလသည် ယာကုပ်အားဖြင့်ရသော သားဗင်္ယာမိန်ကိုဖွားစဉ် မီးတွင်း၌ အသက်ဆီမီးစာကုန်ခဲ့ရသည်။ ထိုအခါ ယာကုပ်၏သားကြီးဖြစ်သော ရုဗင်သည် ဗိလဟာနှင့်သွားရောက် အိပ်စက်ခဲ့လေသည်။ အထူးသဖြင့် ဖခင်ဖြစ်သူ၏ မယားဖြစ်သော ဗိလဟာနှင့်သွားအိပ်လိုက်ခြင်းကြောင့် ရုဗင်သည်အပြစ်သင့်ရောက်ခဲ့သည် (က၊ ၃၅:၂၂)။

            ထိုသို့ ကာမေသုကိုကျူးလွန်လိုက်သောအကျိုးဆက်ကြောင့် ရုဗင်သည် သားဦးအရာတည်းဟူသော မင်္ဂလာကို ဆုံး ရှုံးခဲ့ရပါသည် (က၊ ၄၉:၃-၄)။ ထိုသားဦးအရာကို ယာကုပ်သည် နောက်ပိုင်းတွင် ယောသပ်၏သားတို့အားပေးအပ်ခဲ့သည်။

 

၆။စံပြုထိုက်သော ဗိလဟာ။

            ဗိလဟာ၏ မြေးများမှာ “ဒန်သား။ ဟုရှိမ်။- နဿလိသား။ ယာဗေလ၊ ဂုနိ၊ ယေဇာ၊ ရှိလင်။ ဤသူတို့ကား၊ လာဗန် သည် သမီးရာခေလအား လက်ဖွဲ့သော ယာကုပ်မယား ဗိလဟာဘွားသော သားတည်း။ ပေါင်းခုနစ်” (က၊ ၄၆:၂၃-၂၅)။

           

            ဗိလဟာဟူသောအမည်သည် ဟေဗြဲလိုအားဖြင့် “ရိုးသားခြင်း၊ ဣန္ဒြေရှင်၊ ကျိုးနွံသူ (သို့) အားငယ်တတ်သူ” ဟူ၍ အဓိပ္ပါယ်ရှိပါသည်။

            ဗိလဟာဟူသည် အခြားသောယုဒပြည်၌လည်း အမည်တူရှိပြန်ပါသည် (၁ ချုပ်၊ ၄:၂၉)။ ထိုနည်းတူ ရှိမောင်အမျိုး သားတို့နှင့်စပ်ဆိုင်သော မြို့တစ်ခုကိုလည်း ထိုအမည်နှင့်ဆင်တူခေါ်ဆိုထားပြန်ပါသည် (ယောရှု၊ ၁၉:၁-၃)။ သို့သော်လည်း ဗိလဟာဟူသောအမည်ဖြင့် ညွန်ပြစရာဟူ၍ကား သီးသန့်၊ သတ်သတ်မှတ်မှတ်မရှိခဲ့ပါ။

            ဗိလဟာသည် ကျွန်မတစ်ဦးပင်ဖြစ်လင့်ကစား ဣသရေလတို့၏ သမိုင်းကြောင်းတွင် ထင်မှတ်မထားသော ကဏ္ဍ တစ်ခုအနေဖြင့်ရှိခဲ့သော်လည်း ဘုရားသခင်သည် ဗိလဟာအားဖြင့် ကြီးစွာသောအမှုတို့ကိုပြုခဲ့ပါသည်။

 

 

နာမတော်မြတ်၌

 

ဆယ်မြူရယ်စိုးလွင်

မှတ်ချက်။ ။ Who was Bilhah in the Bible? အားမြန်မာမူပြုပါသည်။