အားကိုးရာစစ်

            ထိုကြောင့်ပုပုရွရွလူမှန်သမျှတို့သည်သူမ“ကယ်နိုင်၊ငါမကယ်နိုင်”တည်းဟူသောအနေအထားတို့

တွင်ဘုရားကိုဖက်စရာမလို၊ကိုယ်ကျင့်တရားကိုအားကိုးစရာအဖြစ်ထားရန်ပြုခြင်းသည်အဘယ်မျှသောရယ်စ

ရာဖြစ်ပါသနည်း။

           အောက်ပါနှစ်ချက်သောတရားစကားတို့တွင်အဘယ်မည်သောတရားသဘောသည်ကိုယ်တို့အ

တွက်အားကိုးရာဖြစ်ပါသနည်း။

၁။          ဘုရားမှတပါးအားကိုးရာမရှိ။

၂။          မိမိကိုယ်သာအားကိုးရာ။

          လောကတွင် “ဘုရားမှတပါးအားကိုးရာမရှိဟူသောစကားသည်အရာရာတိုင်းအတွက်ရာနှုန်းပြည့်

မှန်ကန်ကာလူနေမှုအဆင့်အတန်းအလွှာအားလုံးအတွက်အကျုံးဝင်သော်လည်း၊မိမိကိုယ်သာအားကိုးရာ

ဟူသောစကားသည်ယခုဘဝအတွက်အကျိုးပြုနိုင်သည်များရှိသလို၊အကျိုးမပြုနိုင်သည်များလည်းရှိပေသည်။

ထိုကြောင့်မိမိကို်ယ်သာအားကိုးရာဟူသောစကားသည်လှေနံဓားထစ်ပုံသေကားချပ်ယူအပ်သောအရာ

မဟုတ်သည်ကိုကြည့်ခြင်းအားဖြင့်အကန့်အသတ်ရှိသည်။

           အကြောင်းမှာဤလောကသို့ကျွနု်ပ်တို့စတင်ဝင်ရောက်လာသည်နှင့်မိမိကိုယ်ကိုမိမိအားကိုးခြင်း

အားဖြင့်အစမပြုခဲ့သလို၊ကိုယ်ဒူးကိုယ်ချွန်ဘဝရောက်သည့်အတိုင်အောင်သူတပါးအပေါ်မှာသာမှီခိုမှုပြု

ရစမြဲပင်ဖြစ်သည်။

           လောကတွင်ဘုရားရှင်ချမှတ်ထားသောနည်းလမ်းကောင်းများဖြင့်သွားလားလှုပ်ရှား၍စီးပါွးရှာ

နိုင်သည်။အကြောင်းမူကားစိုက်သည့်အတိုင်းရိပ်ရမည်ဆိုသောဘုရားကတိတော်စကားအတိုင်းကောင်း

တာလုပ်ရင်ကောင်းတာရမည်ဆိုသောစကားသည်လောကနိယာမအရဘုရားသခင်ချမှတ်ထားသောလမ်း

စဉ်ဖြစ်သည်။

           သို့သော်လည်း“မိမိကိုယ်သာအားကိုးရာ”ဆိုသောစကားဖြင့်တမလွန်နောင်ရေးကိုသတ်မှတ်၍ယူ

လျှင်တက်တက်စင်အောင်လွဲမှားသွားပေမည်။“လူထင်သည့်အတိုင်းမှန်သောလက္ခဏာရှိသော်လည်း

အဆုံး၌သေခြင်းသို့ပို့သောလမ်းတစ်မျိုးရှိ၏........ဉာဏ်တိမ်သောသူသည်သူတပါးပြောသမျှကိုယုံတတ်၏။

သတိပညာရှိသောသူမူကားမိမိသွားရာလမ်းကိုစေ့စေ့ကြည့်တတ်၏။ (ဒေသနာ ၁၄း၁၁၊၁၅)

           ဘုရားမှတပါးအားကိုးရာမရှိဟူသောစကားသည်ဘုရားကိုမျက်မှောက်ပြုု ခြင်းဖြင့်ယခုဘဝ၊နောင်

ဘဝအတွက်အကွယ်အကာကိုရရှိစေပါသည်။လောကတွင်အအေးချမ်းဆုံး၊အနွေးထွေးဆုံး၊အလုံခြုံ ဆုံးနေရာ

သည်“ဘုရားအရိပ်”ပင်ဖြစ်သည်။

           ထိုကြောင့်ကိုးစားမှုနောက်တွင်ကွယ်ကာမှုပါရှိသောကြောင့်“ဘုရားဟူသောကိုးစားသူတို့အား

ကွယ်ကာပေးသောအရှင်”ဖြစ်လေသည်။

           “သင်တို့သည်ကျေးဇူးမရှိဘဲငါ့ကိုရှာကြလော့ဟုယာကုပ်အမျိုးအားငါမပြော” “ထမ်းရွက်ရသောဝန်

ကိုထာဝရဘုရား၌ချထားလော့။သင့်ကိုမစတော်မူမည်”(ဟေရှာယ ၄၅း၁၉၊ဆာလံ၅၅း၂၂)စသောကျမ်း

စကားတို့သည်ကိုးစားသူတို့အတွက်ကွယ်ကာမှုကိုပေးကြောင်းကောင်းစွာသိမြင်နိုင်ပါသည်။

           ထိုကြောင့်ကိုးစား၍လုံခြုံမှုကိုပေးသောဘုရားသည်လူတိုင်းအတွက်နံပါတ်တစ်နေရာတွင်ထားရ

မည်။“ဘုရားမှတပါးအားကိုးရာမရှိ”ဆိုသောအရာပင်ဖြစ်သည်။“နိုင်ငံတော်နှင့်ဖြောင့်မတ်ခြင်းတရားတော်

ကိုရှေ့ဦးစွာရှာကြလော့။နောက်မှထိုအရာများကိုထပ်၍ပေးတော်မူလတ္တံ”(မဿဲ၊ ၆း၃၃)ဟူ၍မိန့်ဆိုထား

ခြင်းဖြစ်သည်။

                                                                  ဆယ်မြူရယ်စိုးလွင်