စာရာသည် မည်သူနည်း - ဖြတ်သန်းခဲ့သော ဘဝပုံရိပ်များ

Breaking

Home Top Ad

ထာဝရဘုရား ကောင်းမြတ်တော်မူသည့်အကြောင်းကို မြည်းစမ်း၍ သိမှတ်ကြလော့ (ဆာလံ၊ ၃၄:၈)

Post Top Ad

ဘဝအလင်းပေးသော နှုတ်ကပတ်တော်(ဆာလံ၊ ၁၁၉:၁၀၅)

Tuesday, January 18, 2022

စာရာသည် မည်သူနည်း


၁။ သမိုင်းနောက်ခံလေ့လာခြင်း။
 
စာရဲသည် ခါလဒဲပြည်၊ ဥရဌာနေရှိ ရုပ်တုဆင်းတုကိုးကွယ်သော သာသနာပမှပြောင်းလဲလာသူ တစ်ဦး ဖြစ်ပြီး လက်ရှိအီရတ်ဟုလူသိများသော အရပ်သူဖြစ်သည်။ သူသည် အာဗြံဇနီးဖြစ်သလို၊ ဝမ်းကွဲ မောင်နှမ တော်စပ် သူလည်း ဖြစ်ပြန်ပါသည်။ သူတို့ဇနီးမောင်နှံသည် အဖေတူ အမေကွဲမောင်နှမများဖြစ်ကြောင်း သိရှိရ သည် (က၊ ၂၀:၁၂)။ 
 
ထိုခေတ်အခါက ယနေ့ခေတ်လိုမျိုးမဟုတ်ပဲ တစ်စိမ်းတစ်ရံထက် မောင်လှယ်နှမလှယ် ထိမ်းမြားခြင်း ဖြင့်မိသားစုကို ပိုမိုစည်းလုံးစေသည်ဟူ၍ခံယူကျင့်သုံးကြသည်။
 
၂။ ပါရမီဖြည့်ဖက်ကောင်း။
 
အာဗြံသည် အသက်ရှင်သောဘုရားကို ဖူးတွေ့ခွင့်ရပြီး ပြောင်းလဲသက်ဝင်လာခဲ့သည် (က၊ ၁၂:၁-၄၊ ၁၅:၆)။ ထို့ကြောင့်လည်း စကားတော်အတိုင်း ဘုရားသခင့်ခေါ်ခြင်းကို ကြားသိလာသည့်နောက် နောက်တော်သို့ လိုက်ရန်ဆုံးဖြစ်ခဲ့ချိန် စာရဲလည်း ခင်ပွန်းသည်နှင့်အတူ အေးအတူ၊ ပူအမျှပါရမီဖြည့်ရန် ထပ်ချပ်မကွာ လိုက်ပါ လာခဲ့သည်။ 
 
၃။ ခင်ပွန်းအလို ဖြည့်ဆည်းပေးသော စာရဲ။ 
 
ရေကြည်ရာမြက်နုရာခရီးထွက်လာကြရင်း သူတို့သည် ခါရန်သို့ရောက်ရှိခဲ့ကြသည် (က၊ ၁၁:၃၁)။ အာဗြံ၏ ဖခင်တေရသည် ထိုမြို့မှာပင်လျင် ဆုံးပါးခဲ့သည်။ အာဗြံ၊ စာရဲနှင့် သူတို့တူဖြစ်သော လောတတို့ အိမ်ထောင် မိသားစုတို့သည် ဘုရားသခင် လမ်းပြသည့်အတိုင်း အတူတကွခရီးဆက်လာခဲ့ကြသည်။ နေအိမ်မရှိ၊ လှည့် ပတ်သွားလာနေသော ခရီးစဉ်တွင် အမျိုးသမီးများအဖို့ တော်တော်အခက်တွေ့ကြပါမည်။ 
 
အထူးသဖြင့် ခရီးစဉ်ကာလမှာပင်လျင် အချို့သောနေရာဒေသ၌ အစာငတ်မွတ် ခေါင်းပါးခြင်းဘေးကို ကြုံတွေ့ကြရသည်။
 
ထို့ကြောင့်လည်း အာဗြံနှင့် စာရဲတို့သည် အဲဂုတ္တုပြည် (အီဂျစ်) သို့ခရီးနှင်သည်အထိ ဖြစ် လာကြရသည် (က၊ ၁၂:၁၀)။ 
 
ထိုခရီးစဉ်တစ်လျောက်၌ အာဗြံသည် အဲဂုတ္တုပြည့်ရှင်သူ ဇနီးဖြစ်သူ စာရဲအလှအပကြောင့် အသက် ဘေးကို ကြောက်လန့်သည်အထိ အာဗြံဖြစ်လာခဲ့သည်။ ထို့ကြောင့်လည်း စာရဲအား သူ၏ဇနီးဆိုခြင်းထက် နှမ ဖြစ် ကြောင်းသာပြောဆိုရန် တောင်းဆိုခဲ့သည်။ နှမဖြစ်သည်မှန်သော်လည်း ဇနီးဖြစ်သည်ကို ဖုံးကွယ်လိုသော သဘောဖြင့် လှည့်စားမှုကိုပြုသည့်တိုင် စာရဲသည် သဘောတူခဲ့သည်။ ထိုသို့ဖြင့် စာရဲသည် ဖာရောအိမ်သို့ သိမ်း သွားခြင်းကိုခံရသောအခါ ဘုရားသခင်သည် ဖာရောအား သူ့ဇနီးကို မသိမ်းသင့်ကြောင်း ဖွင့်ပြသဖြင့် ဖာရောမှ အမှန်သိရှိလာပြီး ပြန်လည်ပေးအပ်ခဲ့သည် (က၊ ၁၂)။ 
 
ထို့နောက် ယနေ့ဣသရေလ (အစ္စရေး) တိုင်းပြည်ရှိရာသို့ သူတို့ဇနီးမောင်နှံပြန်လည်ရောက်ရှိလာခဲ့ကြ သည်။ သူတို့ခရီးစဉ်တစ်လျောက် ပစ္စည်ဥစ္စာများတိုးပွားခြင်း၊ များပြားခြင်းအခွင့်ကို ဘုရားသခင်ပေးခဲ့သည်။ 
 
ထို့ကြောင့်လည်း တူဝရီးနှစ်ဦးသား အတူနေခြင်းငှါမဖြစ်နိုင်တော့သည့်အဆုံး အာဗြံနှင့် လောတို့သည် ကိုယ် စီလမ်းအသီးသီးဖြင့် လျောက်လှမ်းခဲ့ကြရသည်အထိဖြစ်လာသည် (က၊ ၁၃:၉)။ 
 
၄။ သားသမီးမရနိုင်သော စာရဲ။
 
စာရဲသည် ကလေးမရနိုင်သောကြောင့် သူတို့ခေတ်ယဉ်ကျေးမှုအရ လွန်စွာစိတ်မသာလျက်ရှိရသည်။ ထို့အတူ အာဗြံအဖို့လည်း အမွေဆက်ခံမည့်သူမရှိသောကြောင့် ပူပန်ရပြန်ပါသည်။ သို့သော် ဘုရားသခင်သည် သူတို့ အား သားသမီးများပေး၍ ကောင်းကင်ကြယ်ကဲ့သို့များပြားစေမည့်အကြောင်း ရူပါရုံပေးခဲ့သည် (က၊ ၁၅)။ 
 
ထိုမျှမ မျိုးရိုးစဉ်ဆက်အတွက် ခါနန်ပြည်ကိုပေးမည့်အကြောင်း ကတိတော်ကိုလည်းပေးခဲ့သည်။ 
 
စာရဲသည် ခလေးမရနိုင်သောကြောင့်သူတို့အဖို့ ပြဿနာလိုဖြစ်လျက်ရှိသည်။ ဘုရားသခင်မှကတိပေး ပြီး နောက် ၁၀ နှစ်ကြလာသောအခါ စာရဲသည် ဓလေ့ထုံးစံအတိုင်း မိမိကျွန်မ ဟာဂရအားဖြင့် သားသမီးရရန် ကြံစည်ခဲ့သည်။ အာဗြံလည်းသဘောတူ၍ ဟာဂရအားဖြင့် သားဣရှမေလကိုယ်ဝန်ကိုလွယ်စေခဲ့သည်။ 
 
ထို့အတွက်ကြောင့် စာရဲနှင့် ဟာဂရအကြားပြဿနာဖြစ်ရသည့်နည်းတူ၊ အာဗြံအဖို့လည်း သောကမီး များပွား စေခဲ့သည်။ သို့သော်လည်းဘုရားသခင်သည် ဟာဂရအား အိမ်ပြေးတစ်ဦးဖြစ်သော ဟာဂရကို မိမိသခင် အိမ်သို့ပြန်နေရအားပေးစကားဆိုသောအခါ ဟာဂရလည်း ဘုရားစကားကို နားထောင်ခဲ့သည် (က၊ ၁၆)။
 
၅။ ကတိတော်ကို ထပ်လောင်းအတည်ပြုခြင်း။
 
ဟာဂရသည် ဣရှမေလကိုဖွားမြင်ပြီး ၁၃ နှစ်မြောက်ချိန် ဘုရားရှင်မှ အာဗြံအား ထပ်မံ၍ကတိကို အတည်ပြု ၍ ယခင်ခေါ်နေသော အာဗြံအမည်အစား အရေဖျားလှီးခြင်း မင်္ဂလာနှင့်အတူ အာဗြဟံ “လူမျိုး တကာတို့ ဖခင်” ဟူ၍ခေါ်တွင်စေခဲ့သည်။ ထို့အတူ စာရဲဟူသော အမည်အားလည်း စာရာ “လူမျိုးတကာတို့ မိခင်” ဟူ၍ပြောင်းလဲစေခဲ့ပါသည်။ 
 
ဘုရားသခင်သည် အာဗြဟံနှင့် စာရာတို့မှရသော သားသမီးအားဖြင့် ကတိတော်ကို တည်စေမည့်ဟု အတိ အလင်းမိန့်တော်မူခဲ့သည်။ ထိုသားကို ဣဇက် အမည်ဖြင့်မှည့်ကာ ဘုရားသခင့် ပဋိညာဉ်ကို အစပြုစေမည့် အကြောင်းလည်းဆိုခဲ့သည်။ ထို့အတူ ဣရှမေလကိုလည်း ကောင်းကြီးပေး၍ လူမျိုးကြီးဖြစ်စေမည်ဟုလည်း ဆို ခဲ့ပါသည် (က၊ ၁၇)။ ဣဇက်အဓိပ္ပါယ်မှာ “ရယ်မောခြင်း” ဟုဆိုသည့်အတိုင်း အသက်တစ်ရာ ပြည့်သော အအခါ အာဗြဟံနှင့် စာရာတို့သည်ရယ်မောခြင်းပြုနိုင်ခဲ့သည် (က၊ ၁၈:၉-၁၅)။ 
 
၆။ ကတိတော်ကိုပေး၍ စောင့်ထိန်းသောဘုရားသခင်။ 
 
ဘုရားသခင်သည် အာဗြဟံနှင့် စာရာတို့အား သားကတိတော်ကိုပေးပြီးနောက်မှာပင်လျင် သောဒုံမြို့နှင့် ဂေါမောရမြို့ကိုဖျက်စီးခဲ့သော်လည်း အာဗြဟံ၏တူ လောတမိသားစုကို ကယ်တင်တော်မူခဲ့သည် (က၊ ၁၉)။
 
 ထိုသို့ဖြင့် အာဗြဟံနှင့် စာရာတို့သည် ဂေရအရပ်သို့ ခရီးဆက်ခဲ့ကြသည် (က၊ ၂၀:၁)။ ထိုအချိန်တွင်လည်း အာဗြဟံသည် ဇနီးဖြစ်သူ စာရာအား နောက်တစ်ချိန် မောင်နှမအဖြစ်လိမ်လည်ပြောဆိုရန် တောင်းဆိုခဲ့ ပြန်သည်။ ထို့ကြောင့်လည်း ဂေရာမင်းကြီး အဘိမလက်သည် နှမအထင်ဖြင့် စာရာကိုဇနီးအဖြစ်သိမ်းယူရန် ပြုခဲ့သည်။ 
 
ထိုအခါ ဘုရားသခင်သည် အာဗြဟံနှင့် စာရာအားဖြင့် ရရှိလာမည့်သား ဣဇက်မျိုးစဉ်ဆက်ကို ထိန်းသိမ်း သောအားဖြင့် အဘိမလက်လက်မှ စာရာကိုပြန်၍ကယ်တင်ပေးတော်မူခဲ့ပါသည်။ အဘိမလက်သည် အိမ်မက်၌ ဘုရားသခင်အားဖူးတွေ့ရပြီး အကြောင်းစုံသိလာသည့်နောက် စာရာအဖို့နစ်နားကြေးနှင့်အတူ အာဗြဟံကိုပြန်၍ အပ်နှံရင်း လက်ဆောင်ပဏ္ဏာများနှင့်အတူ မိမိမြေတွေနေထိုင်ခွင့်ပေးခဲ့သည် (က၊ ၂၀)။ 
 
၇။ ကတိအတိုင်း သားရရှိလာသူ။
 
ကတိတော်မြတ်အတိုင်း ဘုရားသခင်သည် အာဗြဟံနှင့် စာရာတို့၌သားဣဇက်ကို ဖွားမြင်ခွင့်ပေး ခဲ့သည်။ ထို့ကြောင့်လည်း "စာရာကလည်း၊ ငါရယ်ရသော အခွင့်ကို ဘုရား သခင်ပေးတော်မူပြီ။ ဤသီတင်းကို ကြား သောသူ အပေါင်းတို့သည်လည်း၊ ငါနှင့်အတူ ရယ်ကြလိမ့်မည်ဟူ၍၎င်း၊ စာရာသည် သားကိုနို့တိုက် လိမ့် မည် ဟု အာဗြဟံအား အဘယ်သူပြောနှင့်ရသနည်း။ သူသည် အသက်ကြီး သောအခါ၊ ငါသည် သားကို ဘွားပြီး ဟူ၍၎င်း ဆိုလေ၏" (က၊ ၂၁:၆-၇)။ 
 
ယခင်အချိန်က စာရာသည် မယုံကြည်သောကြောင့် ကတိတော်အတွက် ရယ်မောမှုပြုခဲ့သော်လည်း ယခု အချိန်တွင်ယုံကြည်ခြင်းဖြင့် ရယ်မောမှုကိုပြုနိုင်ခဲ့ခြင်းမှာ ကတိထားတော်မူသည့်အတိုင်း ဘုရားသခင် ပြုတော်မူ သောကြောင့်ဖြစ်သည်။
 
၈။ တည်ရှိနေသော ပဋိပက္ခ။
 
မယုံကြည်သောစိတ်ဖြင့် လုပ်ဆောင်ခဲ့သော စာရာနှင့် ဟာဂရအကြား ပဋိပက္ခသည် ဆက်လက်၍ရှိနေခဲ့ သည်။ ဣဇက်နို့ကွာသောအခါ အာဗြဟံပွဲလုပ်သောအခါ ဟာဂရသား ဣရှမေလသည် ဣဇက်အားမထီမဲ့မြင်ပြု ခဲ့သည်။ ထိုအရာကို စာရာမှခင်ပွန်းဖြစ်သူကိုပြောပြသောအခါ ဣရှမေလသည် ဣဇက်နှင့်အတူ အမွေမခံ စေရန် စီစဉ်မှုပြုကြရသည်။ 
 
စာရာအတွက်ခက်ခဲမှုကြုံရသလို၊ အာဗြဟံအတွက်လည်း ခက်ခဲမှုကိုရင်ဆိုင်ရသည် သို့သော်လည်း ဘုရား သခင်၏ အစီအစဉ်အတိုင်း ဣရှမေလသားအမိကို တစ်နယ်တစ်ကျေးသို့စေလွတ်ခဲ့ကြရသည်။ ဘုရားရှင် ကိုယ်တော်တိုင်လည်း ဣဇက်နှင့်အတူ ဣရှမေလကိုလည်း ကောင်းကြီးကြွယ်ဝစွာပေးတော်မူခဲ့ပါသည် (က၊ ၂၁:၈-၂၁)။ 
 
၉။ ဒွိဟဆန်ခဲ့သော စာရာ။
 
စာရာသည် ရိုးရှင်း၍ လှပသူတစ်ဦးဖြစ်ပြီး (က၊ ၁၂:၁၁) အမျိုးသမီးကောင်းတစ်ဦးဖြစ်သည်။ သို့သော် လူသား ဖြစ်၍ ကျွန်ုပ်တို့နည်းတူ အမှားအယွင်းကိုကျူးလွန်မိခဲ့သည်။ အထူးသဖြင့် “ဘုန်းကြီးစာချ” ဆိုရိုးစကား အတိုင်းဘုရားထက် အတတ်ကျူးကာအမှုပြုခဲ့သောကြောင့် ဒုက္ခပင်လယ်ဝေခဲ့ရသည်။ 
 
ဘုရားသခင်မှ “သား” ကိုပေးမည် “အမျိုးအနွယ်” ကိုပေးမည်ဆိုသော်လည်း ကျွန်မဟာဂရဖြင့် ခင်ပွန်း ဖြစ်သူကိုပေးစားလိုက်ခြင်းက မယုံကြည်ရာလည်းဖြစ်သည်။ ယနေ့နှစ်ပေါင်း ၄၀၀၀ ကျော်ကြာလာသည့် သမိုင်းစစ်ကိုမီးမွေးသူအဖြစ်လည်း ကျွန်ုပ်တို့မြင်တွေ့နိုင်သည် (က၊ ၁၆:၃)။ 
 
အသက်အရွယ် ၉၀ အချိန်က ဘုရားသခင့်သတင်းစကားကို မယုံကြည်သောကြောင့် ရယ်မောမှုကို ပြုခဲ့ သော်လည်း၊ နောက် နှစ်ပေါင်း ၃၀ ကျော်၍ (က၊ ၁၈:၂၁)၊ အသက် ၁၂၇ နှစ်ရောက်သောအခါ ထိုကတိတော် ပြည့်စုံလာသောကြောင့် ရယ်မောသူ တစ်ဦးဖြစ်လာရပြန်ပါသည် (က၊ ၂၃:၁)။ 
 
၁၀။ စံပြုထိုက်သော စာရာ။
 
အထက်တွင်ဆိုခဲ့သော အမှားအယွင်းများရှိသော်လည်း နှုတ်ကပတ်တော်က အတုယူစရာအသက်တာ အဖြစ်အောက်ပါအတိုင်း ရိုးရှင်းစွာ မှတ်တမ်းတင်ထားပြန်ပါသည်။
 
“သူ၏ခင်ပွန်းစာရာသည်လည်း အရွယ်လွန်သောအခါ၊ ပဋိသန္ဓေယူနိုင်သော အခွင့်တန်ခိုးကို ယုံကြည် ခြင်းအားဖြင့် ခံရလေ၏။ အကြောင်းမူကား၊ ဂတိထားတော်မူသောသူသည် သစ္စာရှိသည်ဟု စိတ်စွဲလမ်းခြင်း ရှိ၏” (ဟေဗြဲ၊ ၁၁:၁၁)။
 
“ဘုရားသခင်ကို ကိုးစား၍သန့်ရှင်းသော မိန်းမတို့သည် ရှေးက ထိုသို့ကိုယ်ကိုတန်ဆာဆင်လျက်၊ စာရာ သည် အာဗြဟံကို သခင်ဟုခေါ်ဝေါ်၍ သူ၏စကားကို နားထောင်သကဲ့သို့၊ ကိုယ်ခင်ပွန်း၏ အုပ်စိုးခြင်းကို ဝန်ခံကြ၏။ သင်တို့သည် ကောင်းမွန်စွာကျင့်၍၊ ကြောက်ရွံ့ တုန်လှုပ်ခြင်းအလျှင်းမရှိဘဲနေလျှင် စာရာ၏ သမီးဖြစ်ကြ၏။ ထိုနည်းတူ၊ ယောက်ျားတို့၊ ဆုတောင်းခြင်းအမှု၌ အဆီးအတားမရှိစေခြင်းငှါ အသက်ရှင်ခြင်း ကျေးဇူး တော်ကို ဆက်ဆံ၍အမွေခံရသော သူချင်းကဲ့သို့၊ သတိပညာနှင့် လျော်စွာကိုယ်ခင်ပွန်းနှင့်အတူနေ၍” (၁ ပေ၊ ၃:၅-၆) ဟူ၍ စာရာအသက်တာအားဖြင့် နှုတ်ကပတ်တော်က အမျိုးသမီးတိုင်း/ ယုံကြည်သူတိုင်းကို တိုက် တွန်းစကား ဆိုထားလျက်ရှိပါသည်။ 
 
နာမတော်မြတ်၌
 
ဆယ်မြူရယ်စိုးလွင်
 
မှတ်ချက်။ ။ Who was Sarah in the Bible? အားမြန်မာမူပြုပါသည်။

No comments:

Post a Comment

စာဖတ်သူအမြင်နှင့် အကြံပြုချက်များကို မြော်လင့်ကြိုဆိုပါသည်...

Post Bottom Ad

ထာဝရဘုရားသည် ငါ၏သိုးထိန်းဖြစ်တော်မူ၏ (ဆာလံ၊ ၂၃:၁)

Pages