Monday, February 15, 2010

ဝိညာဉ်တိုက်ပွဲ


 







မထင်မှတ်ပါပဲ

ဘဝရယ်တကယ်

တိုက်ပွဲအသွင် ပြောင်းလေတော့

စစ်ဝတ်တန်ဆာလည်း

လက်တွင်းဝယ်တကယ် မရှိပြန်လေသပေါ့။




တုတ် ဓါး ကိုင်စွဲ

ထင်ရာစိုင်းဖို့

ကြုံသည့်စစ်ကား

ကာယတိုက်ပွဲ မဟုတ်ပါချေ ။




နှုတ်နှင့်ယှဉ်ပြိုင်

အောင်မြေပွဲပိုင်ဖို့

ကြုံသည့်စစ်ကား

စကားရည်လုပွဲ မဟုတ်ပါချေ ။


တုတ်ဓါးလည်းမရ

နှုတ်စကားလည်း မဟပ်စပ်တဲ့

ဝိညာဉ်တိုက်ပွဲ

ဆင်ယင်ကာ နွှဲရချေပြီမို့

ယေရှုရှင်ရယ်  ...

ဒီပွဲမှာလေ

သမ္မာသမတ် ကျလေဖို့

နိုင်ငံမှာလေ

သမ္မာတရားကြီးထွားစေဖို့

ဆုတောင်းကျမ်းစာ

စစ်ဝတ်တန်ဆာဖြင့်

သားတော်မောင်

ချီကာပွဲအောင်လေမို့

ခြေလှမ်းတိုင်းတွင်ပဲ့ပြင်

ကူမလှည့်ပါ ကျွန်ုပ်၏ သခင် ။



စယ်မြူရယ်စိုးလွင်